Sic a drouth, watters recede
tae kythe fitdunts lang hidden,
merks left bi the clauts
o muckle craiturs plowterin
in a shallae sea, een tae
the grund, leukin nae
further than the neist meal,
unkennin the glaur wud
haurden tae stane – a bruid
tae the bygane, a spae
tae the forrit an ayont.
Header Photo Credit: Photo by Karen Cann on Unsplash.

Craig Aitchison
Craig Aitchison is a writer of prose and poetry from the Scottish Borders. His work has been published by Lallans, Northwords Now, Southlight, Pushing Out the Boat and Tangled Web. He is a Scottish Mountaineering Creative and in 2023 he was given a New Writers Award for work in Scots.
Photo Credit: Rob MacDougall
-
This author does not have any more posts.